Ոստիկանների հետ տարաձայնությունների արդյունքում նաև քրոսս-ֆիթ ենք «պարապում» ու բոլորովին անվճար - Video

«Միջազգային մրցումների ժամանակ մեզ հաճախ անունով չեն կոչում, այլ մեր պետության անվանումով։ Հիմա սա այն դեպքն է, որ ես այն ամենն, ինչ կատարվում է իմ հայրենիքի հետ շատ անձնական եմ ընդունում, որովհետև միշտ նույնանում եմ հայրենիքի հետ»,- ասում է եռամարտի աշխարհի և Եվրոպայի փոխչեմպիոն Սերգեյ Ասատուրովը։ Մարզիչ ու դասախոս Ասատուրովը նաև համոզված է, որ հայրենիքի ամրության ու հայ մնալու համար մղվող այս պայքարը նաև շատ դրական է ազդում առողջ ապրելակերպի վրա։
«Միշտ չէ, որ մենք հնարավորություն և ցանկություն ենք ունենում այդքան մեծ տարածություն ոտքով քայլել։ Ավելին՝ ոստիկանների հետ տարաձայնությունների արդյունքում մենք նաև քրոսս-ֆիթ ենք «պարապում» ու բոլորովին անվճար»,- կատակում է մարզիչը։
Պատերազմով անցած մարզիկը համարում է, որ պայքարին չմասնակցողներն իրենց լռությամբ համաձայնության նշան են ցույց տալիս ու զարմանում է, թե ինչու պատերազմի օրերին բոլոր ամեն ինչ անում էին՝ Արցախի համար, իսկ այսօր նույնն անելուց խուսափում են։
«Ու թեև «կոռուպցիայից» բողոքողները շատ են, բայց չգիտես ինչու, այսօրվա կոռուպցիան չեն տեսնում, ինչն էլ նշանակում է, որ իրենք ուղղակի իրենց անվտանգության մասին են մտածում»,-կարծում է մարզիկը և կոչ անում միանալ պայքարին։

#asekose #news